Արաբկիր՝ զարգացած տրանսպորտային հանգույցներ, ենթակառուցվածքներ, ակտիվ կառուցապատում․․․ Բայց շեղվեք գլխավոր փողոցից, հայտնվեք զուգահեռ իրականության մեջ։
Արղության փ․ շենքերի գոտում բացահայտեք կառուցվող նոր բնակելի համալիրը, լսեք ճնճղուկների ծլվլոցը։ Այստեղ է ձեր քաղաքային անդորրը։
Փորձառու ճարտարապետների նախագծած համանուն բնակելի համալիրը 14 հարկանի ժամանակակից կառույց է։
Արտահայտիչ սլացիկ գծերով, մեծ պատուհաններով, պարզ գունային լուծումներով այս նորակառույցը ներդաշնակ է տեղանքին և իր մոնումենտալ հորինվածքի և գերիշխող տեղադիրքի շնորհիվ հավակնում է դառնալ թաղամասի անցաթուղթը և ճարտարապետական դոմինանտը:
Կլիմայական պայմաններին համապատասխանող ձայնամեկուսիչ և ջերմամեկուսիչ շերտով պաշտպանված համալիրի ճակատները օդափոխվող են, իրականացված են բնական քարով և բարձր որակի եվրոպական պրոֆիլներով:
